काठमाडौं– रुसले आक्रमण थालेयता युक्रेनमा १५ हजार रुसी सैनिक मारिएको युक्रेनले दाबी गरेको छ । युक्रेनी रक्षा मन्त्रालयले जारी गरेको विज्ञप्तिमा रुसी आक्रमण शुरु भएयता १५ हजार रुसी सैनिक मारिएको दाबी गरिएको हो ।
यसका साथै रुसका ४९८ ट्याङ्क, १५ सय ३५ बख्तरबन्द गाडी, २४० आर्टिलरी, ८० मल्टिपल लन्च रकेट सिस्टम र ४५ वटा हवाई प्रतिरोधी प्रणाली ध्वस्त पारिएको युक्रेनी दाबी छ ।
यसबाहेक युक्रेनले ९७ लडाकु विमान, १२१ हेलिकोप्टर र २४ वटा चालकरहित हवाई उपकरण (ड्रोन) पनि ध्वस्त पारिएको दाबी गरेको छ ।
यद्यपि युक्रेनी दाबीको स्वतन्त्र पुष्टि भने हुन नसकेको अन्तर्राष्ट्रिय सञ्चारमाध्यमले जनाएका छन् ।
प्रतिक्रिया