साउथ इण्डियन स्टार अल्लु अर्जुन अभिनित पछिल्लो फिल्म ‘पुष्पा’ ले बक्स अफिसमा राम्रो कलेक्सन गर्यो । तेलुगु , तामिल , कन्नड , मलयालम र हिन्दी भाषामा रिलिज भएको फिल्मले हलमा मात्र नभई ओटीटी रिलिजमा पनि यसले राम्रो कलेक्सन गर्यो । यसैले गर्दा पनि यसको दोस्रो पार्टको चर्चा बढ्दो छ । बाहुबली, केजीएफपछि पुष्पाको दोस्रो भागको प्रतिक्षामा दर्शक छन् ।

फिल्मको डायलग र अल्लु अर्जुनको स्टाइलकै कारण फिल्म दर्शक माँझ प्रतिक्षित बनेको छ । यस्तै फिल्मको गीतसंगीतले पनि दर्शक तथा श्रोताको मन जितेको छ । फिल्मको दोस्रो पार्ट बन्ने पक्का छ नै । मेकर्स छायांकनको तयारीमा छन् । फिल्मको क्रेजलाई मध्यनजर गर्दै एक कम्पनिले ४ सय करोडको अफर गरेको छ । अल्लु अर्जुनका पिता निर्माता अल्लु अरविन्दलाई पुष्पा २ को हल राइट्सका लागि ४ सय करोडको अफर गरिएको हो । यो अफरमा ओटीटी र स्याटेलाइट राइट्स नजोडिएको बताइएको छ ।

पुष्पाको पहिलो भागले राम्रो कमाइ गरेपछि दोस्रो भागलाई लिएर दर्शकमा निकै उत्साह छ । यद्दपी अल्लु अरविन्दले फिल्मको राइट्स बेच्न नकारेका छन् । उनले फिल्मको हाइप बढ्दो रहेको भन्दै दोस्रो भागलाई पनि पुरानै टीमले रिलिज गर्ने बताएका छन् ।

अल्लुको एक्सनसँगै रश्मिका मन्दनाको सुन्दरतालाई दर्शकले रुचाई सकेका छन् । यता, अल्लु अर्जुनको क्रेज साउथ इण्डियन फिल्ममा मात्र नभई बलिउडका दर्शक माँझ पनि उस्तै रहेको प्रस्टिएको छ ।

स्ट्याईलिस स्टारको ट्याग पाएका अल्लुले एक्सन, अभिनय र डान्स मार्फत दर्शकको मनमा आफ्नो स्थान बनाइ सकेका छन् । सुकुमारको निर्देशन रहेको फिल्मलाई दर्शकले दोस्रो भागमा अझै सशक्त रुपमा हेर्न पाउने छन् ।