काठमाडौँ– युक्रेनका स्वतन्त्र सञ्चारमाध्यमलाई रुसले थालेको आक्रमणबाट जोगाउन सहयोग सङ्कलन गर्ने कार्यले तीव्रता पाएको छ । आर्थिक सहयोग सङ्कलन गर्ने साइट ‘गो फन्ड मी’ मा पेज बनाएर शुरु गरिएको अभियानमा हालसम्म १५ हजार भन्दा धेरैले सहयोग गरिसकेका छन् ।

८ लाख बेलायती पाउण्ड स्टर्लिङ सङ्कलन गर्ने लक्ष्य लिइएको उक्त पेजमा हालसम्म ८ लाख ७० हजार भन्दा धेरै सहयोग सङ्कलन भइसकेको छ । संकलित सहयोगबाट प्राप्त पैसा हाल रुसी आक्रमणको सामना गरिरहेको किभ, लभिभजस्ता युक्रेनी शहरमा काम गर्ने पत्रकारलाई वार्सा, भिल्नस र अरु छिमेकी देशका राजधानी सार्न प्रयोग गरिने यस अभियानका आयोजक एवम् किभ इन्डिपेन्डेन्ट पत्रिकाका प्रमुख आर्थिक अधिकारी याकुब, पारुनिस्कीले बताएका छन् ।

‘हामीलाई अहिले विश्वका लागि देशभरबाट विश्वसनीय र भरपर्दो सूचना चाहिएको छ, ता कि युक्रेन, रुस र बेलारुसका जनताले खासमा के भइरहेको छ थाहा पाउन् ।’ उनले बेलायतबाट प्रकाशित हुने द गार्जियनलाई भने ।

यो अभियानबाट किभ इन्डिपेन्डेन्ट, समाचार पोर्टल जाबोरोना र अरु १२ समाचार संस्थाहरूले यो सहयोगबाट लाभ लिने जनाइएको छ ।

(द गार्जियनबाट)