काठमाडौं- अमेरिकी सुरक्षा अधिकारीहरूले रुसी राष्ट्रपति भ्लादिमिर पुटिनले युक्रेनमा आणविक हतियार प्रयोग गर्नसक्ने चेतावनी दिएका छन् । अमेरिकी कंग्रेसको हाउस सेलेक्ट कमिटी अन इन्टिलिजेन्स बयान दिँदै अमेरिकी सुरक्षा अधिकारीहरूले यस्तो चेतावनी दिएका हुन् ।

अमेरिकाको रक्षा गुप्तचर एजेन्सीका निर्देशक लेफ्टिनेन्ट जनरल स्कट बेरियरले पुटिन अहिले आफ्नो हतियारको आधुनिकीकरणमा लागेको र सानो स्तरको आणविक हतियार विकास गर्न समय खर्चिरहेको जनाए ।

उनका अनुसार पुटिन ‘सामरिक आणविक हतियार’ विकास गर्न लागि परेका छन् ।

केही समयअघिमात्रै पुटिनले आफ्नो मुलुकको आणविक बललाई तैनाथ हुन निर्देशन दिएका थिए ।

अन्तर्राष्ट्रिय सञ्चारमाध्यमले जनाएअनुसार अमेरिकी अधिकारीहरूले  व्यक्तिगत कुराकानीका क्रममा पुटिनले युक्रेनमा आणविक हतियार प्रयोग गर्नसक्ने चिन्ता व्यक्त गर्दै आएका छन् ।