काठमाडौँ– राष्ट्रिय आविष्कार केन्द्रका दुई इन्जिनियर तालिमका लागि केन्या प्रस्थान गरेका छन् ।
केन्द्रका बायोमेडिकल इन्जिनियर उमेश राई र इलेक्ट्रोनिक इन्जिनियर महिप के.सी. केन्याको नाइरोबीतर्फ गएका हुन् ।
उनीहरूले त्यहाँ भेन्टिलेटर र एनेस्थेसिया मेसिनको तालिम लिने छन् ।
तालिम Gradian Health System भन्ने संस्थाले आयोजना गरेको केन्द्रका अध्यक्ष महावीर पुनले जनाएका छन् ।
कोरोनाको महामारीमा यो संस्थाले केन्द्रलाई ५३ वटा भेन्टिलेटर दान गरेको थियो । ती भेन्टिलेटर १० वटा अस्पताललाई ५–५ वटाको दरले वितरण गरिएको थियो । ३ वटा भने जगेडा राखिएको हो ।
प्रतिक्रिया