काठमाडौं– युक्रेनमा जारी युद्धका क्रममा एकजना बेलायती पत्रकार घाइते भएका छन् । राजधानी किभमा युक्रेन युद्धको समाचार संकलन गरिरहेका बेलायतको स्काई न्युज च्यानलका पत्रकार स्टुअर्ट राम्जी घाइते भएका हुन् ।
उनको पिठ्युँमा एक गोली लागेको जनाइएको छ । उनको साथमा रहेका क्यामेरा पर्सन रिची मोक्लरलाई लागेको दुई गोली सुरक्षा कवचले बचाएको बीबीसीले जनाएको छ ।
गाडीमा रहेका बेला कसैले धराप थापेर आक्रमण भएको र आक्रमणमा रुसी पक्षको हात रहेको जनाइएको छ ।
उनीहरु चढेको कारमा आक्रमण भएपछि उनीहरु नजिकै रहेको औद्योगिक भवनमा लुक्न गएको र केही समयपछि उनीहरूलाई युक्रेनी प्रहरीले उद्धार गरेको समाचार छ ।
हाल उनी बेलायत फर्किसकेका छन् ।
प्रतिक्रिया