काठमाडौँ – बलिउड अभिनेता पंकज त्रिपाठी एक निजी कृषि कम्पनीमा अनुबन्धित भएका छन् । यो कम्पनी कृषि नेटवर्क नामक एग्रीटेक एप चलाउँछ । कम्पनीले पंकजलाई ब्राण्ड एम्बासडरका रुपमा नियुक्त गरेपछि उनले ‘अज्ञात पूँजी’ कम्पनीमा लगानी गरेका छन् ।

कम्पनीले पंकजसँगको सहकार्यले जनतासम्म पुग्न र जमिनको स्तरमा किसानलाई जोड्न सहयोग पुग्ने विश्वास लिएको छ । पंकजले आफ्नो पृष्ठभूमि किसान परिवारसँग जोडिएकाले किसानसँग नजिक रहेर काम गर्न पाउँदा खुशी लागेको बताए ।

‘एक किसान परिवारमा जन्मिएर हुर्किनुले मैले अधिकतम जीवन कृषि र त्यससँग जोडिएर बनेका कामसँग परिचित छु । म जहिल्यै जमिनस्तरमा भारतीय किसानहरुको अगाडि आएका समस्याप्रति जानकार छु । सही जानकारीका अभावले किसानमा अनेक समस्या आएकाले उनीहरुलार्य शिक्षित गर्नु मेरो कर्तव्य हो’, उनले भनेका छन् ।

कामको कुरा गर्दा पंकज चाँडै नै आफ्नो लोकप्रिय कमेडी फ्रेञ्चाइजी ‘फुकरे’को तेस्रो संस्करणमा देखिँदैछन् । यसबाहेक उनी ‘क्रिमिनल जस्टिस’को तेस्रो सिरिजमा माधव मिश्राको चरित्रमा देखिँदैछन् । उनी ‘शेरदिल, ‘ओ माई गड २’ र ‘बच्चन पाण्डे’ जस्ता फिल्ममा देखिँदैछन् ।