हरेक भान्सामा चिनी सहजै पाइन्छ । यसले केवल चिया वा परिकारको मिठास मात्र बढाउँदैन केही उपायमार्फत जीवनका कैयौँ समस्या पनि समाधान गर्दछ । ज्योतिषशास्त्र अनुसार चिनीका उपायमार्फत जीवनका कैयौँ समस्याबाट छुटकारा पाउन सकिन्छ ।

सूर्य ग्रह कमजोर भए जागिरमा समस्या आउन सक्छ । यस्तोमा कुण्डलीको सूर्य बलियो पार्न तामाको भाडामा चीनी र पानीको घोल बनाएर यसलाई पिउनु पर्ने मान्यता छ ।

यदि कुनै कामका लागि घर बाहिर जाँदै हुनुहुन्छ र त्यसमा सफल हुन चाहनुहुन्छ भने एक दिन अगावै राती तामाको भाँडोमा चिनी र पानी राख्ने र काममा निस्कनु अघि यसलाई पिउँदा काममा सफलता मिल्ने ज्योतिषिय मान्यता छ ।

शनिको पीडाबाट मुक्ति पाउन चिनीलाई पिसेर त्यसमा नरिवलको स–साना टुक्रा मिसाएर यो कमिलालाई ख्वाएमा शनिको पीडाबाट मुक्ति मिल्ने धार्मिक विश्वास छ ।

पितृ दोषबाट छुटकारा पाउनका लागि समेत चिनीको प्रयोग उपयोगी मानिन्छ । यसकालागि पिठोमा चिनी मिसाएर कागलाई ख्वाएमा पितृ दोषबाट मुक्ति मिल्ने मान्यता छ ।

राहु दोष निवारण गर्न चिनीको उपाय उपयोगी हुन्छ । रातो कपडामा चिनी बाधेर राती सुतेको समयमा सिरानी मुनी केही दिन राखेमा लाभ मिल्ने ज्योतिषिय मान्यता छ ।