जनकपुरधाम– मुख्यमन्त्री लालबाबु राउतले मधेश स्वास्थ्य विज्ञान प्रतिष्ठान प्रदेशलाई प्राविधिक शिक्षाको हब बनाउने पहिलो खुड्किलो भएको बताएका छन् ।

जनकपुरधाममा बिहीबार प्रतिष्ठानको पहिलो वार्षिकोत्सव समारोहमा मुख्यमन्त्री राउतले मधेश प्रदेशलाई प्राविधिक शिक्षाको हब बनाउने अभियानको पहिलो खुड्किलोका रूपमा प्रतिष्ठान अघि बढेको बताएका हुन् ।

प्रतिष्ठानले एक वर्षभित्रै ४ वटा विषयमा स्नातक तहको अध्ययन अध्यापन सुरु गरेकोमा उनले खुशी व्यक्त गरे । मुख्यमन्त्री राउतले विशेष कोभिड अस्पतालको सञ्चालन र विशिष्टिकृत सेवाको सञ्चालन गर्नु स्वागत योग्य रहेको पनि बताए ।

समारोहमा प्रतिष्ठानले एक वर्षमा गरेको उपलब्धि सार्वजनिक गरिएको थियो ।

समारोहमा सामाजिक विकासमन्त्री नवलकिशोर साह, उपकुलपति डा. रामकेवल साह, चिकित्सक, स्वास्थ्यकर्मीलगायत सहभागी भएका थिए ।