काठमाडौं– अभिनेता राजेश हमाल र अभिनेत्री निरुता सिंहको अभिनय रहेको गीत ‘हजुर मुसुक्कै’ सार्वजनिक भएको छ । नेपाल बाइसे–चौबिसे राज्य हुँदा पश्चिमको एक राज्यमा रहेका राजाको प्रेमकथालाई भिडियोमा देखाइएको छ ।
गीतमा गायक कृष्ण विक र गायिका रचना रिमालको स्वर छ । गीतमा सुरेश अधिकारीको शब्द र संगीत छ ।
सार्वजनिक गीतको भिडियोमा राजेश र निरुताको साथमा प्रिन्स विश्वकर्मा, प्रियना आचार्य, सुरवीर पण्डितलगायतको अभिनय छ । भिडियोमा बाल कलाकारका रुपमा श्रीराज विक्रम पाण्डे र श्रेया सापकोटाले अभिनय गरेका छन् ।
जीबी अग्रीको कथा र निर्देशन रहेको भिडियोमा सञ्जय लामाको छायांकन, कविराज गहतराजको कोरियोग्राफी, दीर्घ खड्काको सम्पादन छ ।
प्रतिक्रिया