काठमाडौँ– नेपाली काँग्रेसले स्थानीय चुनावमा एकता र सम्पूर्ण सक्रियताका साथ केन्द्रित हुने जनाएको छ । बिहीबार बसेको केन्द्रीय कार्यसम्पादन समितिको बैठकले वैशाख ३० मा गर्ने सरकारको निर्णयको स्वागत गर्दै चुनावमा केन्द्रित हुने निर्णय गरेको हो ।

यसका लागि समितिहरू समेत गठन गरिएको छ ।

बिहीबारको बैठकमा छलफल भएका प्रस्तावहरूः

१. स्थानीय चुनाव तयारीसम्बन्धी प्रस्तावः स्थानीय निर्वाचन वैशाख ३० मा गर्ने सरकारको निर्णय स्वागत गर्दै यो बैठक सम्पूर्ण एकता र सक्रियता साथ निर्वाचनमा केन्द्रित हुने निर्णय गर्दछ । त्यस क्रममा निम्नानुसारका समितिहरू गठन गरिएको छ ।
– स्थानीय निर्वाचन मूल तयारी समिति– संयोजक
– घोषणा पत्र तयारी समिति– संयोजकलगायत समितिहरू गठन गरिएको छ ।

२. संगठन सुदृढीकरण एवं निर्वाचन तयारीकेन्द्रित राष्ट्रव्यापी अभियानअघि बढाउने सम्बन्धमा ।

३. सभापति पद रिक्त भएका भ्रातृ एवं शुभेच्छुक संस्था तथा अन्य भातृ एवं शुभेच्छुक संस्थालाई गतिशील तुल्याउने सम्बन्धमा ।

४. विभिन्न भ्रातृ एवं शुभेच्छुक संस्थाको विधान स्वीकृत गर्ने सम्बन्धमा ।

५. केही नयाँ भ्रातृ एवं शुभेच्छक संस्थालाई मान्यता प्रदान गर्ने सम्बन्धमा ।

६. १४ औँ महाधिवेशनपश्चात् निश्चित गर्ने गरी अधिवेशन क्रममा रोकिएका क्रियाशील सदस्यहरूको व्यवस्थापन सम्बन्धमा ।

७. नयाँ क्रियाशील सदस्यता वितरण सम्बन्धमा ।

८. केन्द्रीय अनुशासन समिति गठन सम्बन्धमा ।

९. बाँकी जिल्ला (क्षेत्र र पालिका समेतको) अधिवेशनको नयाँ मिति घोषणा गर्न केन्द्रीय निर्वाचन समितिलाई आग्रह गर्ने सम्बन्धमा ।