काठमाडौँ – सुजुकीले नेपाली ग्राहकहरुका लागि ‘वर्कसप अन ह्वील’ सेवा सुरु गरेको छ।

नेपालका लागि सुजुकी कारको आधिकारिक विक्रेता तथा सीजी होल्दिन्ग्सको अटोमोटिभ डिभिजन सीजी मोटोकर्पले ग्राहकको घर दैलोमै गाडी मर्मतको लागि यो सेवा सुरु गरेको हो।

स्मार्ट वो वर्कसपको नयाँ पहलले सुजुकी ग्राहकले आफ्नो घर दैलोमै आफ्नो सवारी मर्मत गराउन सक्नुहुनेछ।  कम्पनीको अनुसार वर्कसप अन ह्वीलमा सबै आधुनिक प्रविधि र उपकरणहरू राखिएका छन् जसले सामान्य सर्भिस, मर्मत, तथा अरू गाडी सम्बन्धी काम गर्ने छन्।

‘यो नयाँ पहल ग्राहक माँझ ल्याउँन पाउँदा हामी हर्षित छौँ।’ सुजुकीको अफ्टर सेल्स तथा पार्ट्सका महाप्रबन्धक श्याम श्रेष्ठले भने, ‘यो चार पांग्रे सवारीमा निर्मित एउटा आधुनिक वर्कसप हो जसले ग्राहकको सबै सर्भिस सम्बन्धी कार्य गर्नेछ।’ उनकाअनुसार यो सुविधाले आपत्कालीन सडक सहायता गर्नुको साथै ग्राहकको सुविधाजनक स्थानमा पुगी सेवा दिनेछ।

यो सेवा हाल काठमाडौँ, पोखरा, भैरहवा  र नारायणघाटमा उपलब्ध छ। चाँडै नेपालका सम्पूर्ण प्रमुख सहरमा विस्तार गर्ने योजना छ।