काठमाडौं– गजलकार डब्बु क्षेत्री र गायक सानुबाबु महर्जनको सहकार्यमा नयाँ गजल ‘तिम्रो याद’को भिडियो सार्वजनिक भएको छ । गजलमा जुगल डंगोलको संगीत छ । गजलको भिडियो हाईलाईटस नेपालको अफिसियल च्यानलबाट सार्वजनिक भएको हो ।

‘ब्राइटर तिम्रो सुर मेरो गीत’का फाईनलिस्ट बनेका महर्जन एक समय गायनमा निकै चर्चामा थिए । आधा दर्जन गीतिसंग्रह ल्याईसकेका महर्जनको स्वरमा यो गजल निकै मेलोडी बनेको छ ।

डब्बुका ‘झरी’, ‘गुवाली स्वरहरु’ जस्ता गजलसंग्रह बजारमा आइसकेका छन् । यो गजलको भिडियोको क्षेत्रीले नै निर्देशन र सम्पादन गरेका हुन् ।

गजलमा कलाकार निश्चल विक्रम पौडेल र सृष्टि कडरिया फिचर्ड छन् । मिलन शंकरको छायांकन रहेको भिडियोमा सुवास बुढाथोकीको कोरियोग्राफी र वीरेन्द्र भाट ‘विपिन’को रंग संयोजन छ । भिडियो पोखराका विभिन्न रमणीय स्थलमा छायांकन गरिएको छ ।