काठमाडौं– भारतीय प्रधानमन्त्री नरेन्द्र मोदीको सपथ ग्रहण समारोहमा सहभागी हुन भारत प्रस्थान गरेका प्रधानमन्त्री केपी शर्मा ओलीलाई दिल्लीमा भारतीय विदेश मन्त्रालयका सचिव (पश्चिम) ए गितेश शर्माले स्वागत गरेका छन्।

विहीबार भारत प्रस्थान गरेको प्रधानमन्त्री ओलीलाई नयाँ दिल्लीको इन्दिरा गान्धी अन्तर्राष्ट्रिय विमानस्थलमामा भारतीय विदेश मन्त्रालयका सचिव गितेश शर्माले स्वागत गरेका हुन् ।

ओलीलाई स्वागत गर्न भारतका लागि नेपाली राजदूत निलाम्बर आचार्य र नेपालका लागि भारतीय राजदूत मन्जिब सिंह पुरी समेत उपस्थिति भएका थिए ।

मोदीले यसपटकको सपथ ग्रहण समारोहमा बिमस्टेक सदस्य राष्ट्रहरूलाई बोलाएका छन्। बिमस्टेकमा नेपाल, बंगलादेश, भारत, म्यानमार, श्रीलंका, थाइल्याण्ड र भुटान सदस्य छन्। मोदीले बिहिबार नै आफ्नो दोस्रो कार्यकालको सपथ लिने कार्यक्रम छ।