काठमाडौं – तीन खेलको एक दिवसीय सिरिजमा दक्षिण अफ्रिकाले भारतमाथि क्लिन स्विप गरेको छ । केपटाउनमा भएको खेलमा दक्षिण अफ्रिकाले आइतबार राति तेस्रो एक दिवसीयमा भारतलाई ४ रनले हराउँदै सिरिज ३–० ले जितेको हो ।

दक्षिण अफ्रिकाले दिएको २ सय ८८ रनको लक्ष्य पछ्याएको भारत ४९ ओभर २ बलमा २८३ रन बनाएर अलआउट भयो ।

भारतका लागि विराट कोहली ६५, शिखर धवन ६१ र दीपक चाहर ५४ रनको अर्धशतकीय इनिङ्स खेले पनि जितका लागि पर्याप्त भएन । सूर्यकुमार यादवले ३९ रन बनाउँदा श्रेयस आयर २६ र कप्तान केएल राहुल ९ रनमा समेटिए ।

भारतविरुद्धको खेलमा दक्षिण अफ्रीकाका लुंगी एनजीडी र एडिलेले ३–३ विकेट लिए भने ड्वाने प्रिटोरीउसले २ विकेट हात पारे ।

पहिला ब्याटिङ गरेको अफ्रिकाले ४९ ओभर ५ बलमा अलआउट हुँदै २ सय ८७ रन बनाएको थियो। उसका लागि क्विन्टन डी ककले १ सय २४ रनको शतकीय इनिङ्स खेलेका थिए ।

दक्षिण अफ्रिकाका भान डेर डुसेन ५२ र डेभिड मिल्लरले ३९ रन बनाएका थिए । भारतका प्रसिद्ध कृष्णले ३ विकेट लिँदा दीपक चाहर र बुम्राहले २–२ विकेट हात पारे । दक्षिण अफ्रिकाले भारतविरुद्धको एक दिवसीयमा क्लिन स्विप गरेर खेललाई रोचक बनाएको छ ।