मुम्बई(एबीपी लाइभ)– बलिउडको बादशाहरुका रुपमा परिचित अभिनेता शाहरुख खानको फ्यान फलोइङ अधिक छ । बलिउडका अभिनेत्री या कोही आम महिला उनको बहिनी बन्न चाहन्छन् । यहाँसम्मकी फिल्ममा शाहरुखको बहिनीको भूमिकामा सायदै कम अभिनेत्री देखिएका छन् । यो सूचीमा ऐश्वर्या राय बच्चन पनि छिन् । यद्यपि शाहरुख विश्वकै सुन्दर महिला अभिनेत्रीलाई फिल्ममा बहिनी बनाउँदा दुःखी छन् । शाहरुख र ऐश्वर्याले वर्षौ पहिले फिल्म ‘जोश’मा एकसाथ काम गरेका थिए ।

फिल्ममा उनीहरुले पहिलोपटक स्क्रिन शेयर गरेका थिए । ऐश्वर्यालाई पहिलो फिल्ममै बहिनी बनाउँदा शाहरुख निकै दुःखी बनेका थिए । एक अवार्ड कार्यक्रममा शाहरुखले ऐश्वर्यालाई अवार्ड दिन बोलाउँदा उनले आफ्नो पीडा सुनाएका थिए । ‘म धेरै अभागी साबित भएको छु कि ऐश्वर्यासँगको पहिलो फिल्ममा नै मैले उनको दाजुको भूमिका निर्वाह गरें’, शाहरुखले भनेका छन् ।

‘विश्वकै सबैभन्दा सुन्दर महिलालाई कसले आफ्नो बहिनी बनाउन चाहन्छ र ? फिल्ममा ऐश्वर्या मेरो ट्वीन बहिनी बनेकी थिइन् । मानिसहरु हाम्रो अनुहार मिल्छ भन्थे । आज पनि मलाई यो कुराको पछुतो छ कि म ऐश्वर्याको दाईको भूमिकामा देखिएँ’, शाहरुखले भनेका छन् ।

यो फिल्मपछि शाहरुखले ‘मोहब्बतें’ र ‘देवदास’मा पनि ऐश्वर्यासँग अभिनय गरे । ‘देवदासमा पनि सबै कुरा ठीक थियो, तर पहिला मैले ऐश्वर्यालाई छोडें, पछि ऐश्वर्याले मलाई छोडेर अरु कोहीसँग विवाह गरिन् । साँच्चै भन्ने हो भने ऐश्वर्यासँग अनस्क्रिन रोमान्स गर्ने मौका मैले पाएकै छैन’, शाहरुख सम्झन्छन् ।

उनले ऐश्वर्यासँग साधारण फिल्ममा काम गर्न चाहेको खुलाएका छन् । पछिल्लो पटक शाहरुखले ऐश्वर्यासँग फिल्म ‘ए दिल है मुश्किल’मा अभिनय गरेका थिए । फिल्ममा शाहरुखले ऐश्वर्याको डिभोर्सी पतिको भूमिका निर्वाह गरेका थिए ।