काठमाडौं – नेपालमा आयोजना हुन लागेको १३ औं दक्षिण एसियाली खेलकुद प्रतियोगिता (साग) को लागि राष्ट्रिय टिमको प्रारम्भिक प्रशिक्षण शुरु भएको छ ।

डिसेम्बर पहिलो साता हुन लागेको खेलको प्रारम्भिक छनोटमा ७ खेलका ८४ जना खेलाडी सहभागी हुने भएका छन् ।

राष्ट्रिय खेलकुद परिषद (राखेप) ले बिहिबारदेखि औपचारिक रुपमा सुरु गर्न लागेको विशेष प्रशिक्षणमा प्रारम्भिक रुपमा ७ खेलका खेलाडीलाई मात्रै सहभागी गराएको हो ।

राखेपले पहिलो चरणमा स्क्वास, जुडो, भारोत्तोलन, पाराग्लाईडिङ, आर्चरी, सुटिङ र टेबलटेनिसका खेलाडीको प्रशिक्षण सुरु गर्न लागेको हो । यसअघि युवा तथा खेलकुद मन्त्रालयले जेठ पहिलो सातादेखि सबै खेलको प्रशिक्षण सुरु गर्ने बताएपनि बजेट अभाव देखिएपछि पहिलो चरणमा ७ खेलको प्रशिक्षण शुरु गरीएको हो ।

विशेष प्रशिक्षणको उद्घाटन गर्दै राखेप सदस्य सविच केशवकुमार विष्टले खेलाडीले अनुशासनमा रहेर प्रशिक्षकले सिकाएको सिप सिक्नुपर्ने भन्दै सुझाव दिएका थिए । सागका लागि खेलाडीको अन्तिम छनोट भदौमा हुने राखेप च्याम्पियनसिपबाट हुनेछ पनि सदस्य सचिव बिष्टले बताएका छन् ।