सोल(अमर उजाला)– दक्षिण कोरियाली फिल्म उद्योगकी लोकप्रिय अभिनेत्री किम मी सूको आकस्मिक निधन भएको छ । सामाजिक सञ्जालमा उनको निधनको खबर आउनासाथ फ्यानमाझ शोकको लहर छाएको छ ।

फिल्म ‘स्नोड्रप्स’ फेम अभिनेत्री किम ३१ वर्षकी थिइन् । उनको मृत्युको कारण अहिलेसम्म खुल्न सकेको छैन । उनको एजेन्सीले एक विज्ञप्ती जारी गर्दै अभिनेत्रीको निधनको पुष्टि गरेको छ । एजेन्सीले अभिनेत्रीको मृत्युको कारणलाई लिएर कुनै पनि अफवाहमा ध्यान नदिन वा त्यसको हिस्सा नबन्न आग्रह गरेको छ ।

अभिनेत्री किम फिल्ममा दमदार अभिनयका लागि चिनिन्थिइन् । अभिनेत्रीले ‘हाय बाय मामा’, ‘द स्कुल नर्स फाइल्स’ र ‘युमिज सेल प्रोजेक्ट्स’मा अभिनय गरेकी थिइन् । यसबाहेक उनी हालैको ‘स्नोड्रप’का कारण चर्चामा थिइन् ।

किमको यो दक्षिण कोरियाली टेलिभिजन सिरिज विवादमा थियो । कोरियाई इन्टरनेट प्रयोगकर्ताले यो सिरिजले दक्षिण कोरियामा सन् १९८० को दशकमा लोकतन्त्र समर्थक आन्दोलनलाई विकृत गरेको र राष्ट्रिय सुरक्षा योजनालाई बद्नाम बनाएको आरोप लगाएका थिए ।