काठमाडौं– केही समयअघि मात्र फिल्म ‘बुलाकी’को छायांकन पुरा गरेर आराम गरिरहेका अभिनेता नरेन खड्का नयाँ फिल्म ‘म’मा अनुबन्धित भएका छन् । कान्तिपुर फिल्म एकेडेमीले निर्माण गर्न लागेको यो फिल्ममा नरेन प्रमुख भूमिकामा अनुबन्धित भएका हुन् । फिल्मका निर्देशक सुवर्ण थापा हुन् ।
सोमबारदेखि सुटिङ सुरु भएको फिल्ममा सविन श्रेष्ठ, निशा अधिकारी, सरोज खनाल, सरिता लामिछाने, रुबिना थापा, प्रमोद अग्रहरी, निराजन प्रधानलगायतको पनि अभिनय छ । एकेडेमीका सिइओ प्रकाश पुरीको लेखन रहेको फिल्ममा विमला गुरागाई निर्माता छिन् ।
नरेनले ‘हमेशा’, ‘परदेशी’ लगायतका फिल्ममा अभिनय गरिसकेका छन् । उनले ‘म’को स्क्रिप्ट र टिम राम्रो लागेकाले अभिनय गरेको बताए ।
प्रतिक्रिया