झापा– नेपाली काङ्ग्रेसका सहमहामन्त्री भिष्मराज आङ्देम्बेले नेपाली कांग्रेसभित्र वंशवादको अन्त्य भएको दाबी गरेका छन् ।
१४ औँ महाधिवेशनबाट निर्वाचित सभापति शेरबहादुर देउवाको लामो खारिएको अनुभव र युवा पुस्ताको सक्रियताले पार्टीलाई नयाँ ऊर्जा दिने भन्दै उनले महाधिवेशनपछि सवै प्रकारका पुरातनवाद र वंशवादको अन्त्य भएको तर्क गरे।
गृहजिल्ला पाँचथरबाट काठमाडौँ फर्कने क्रममा शनिबार झापाको दमकमा भएको भेटघाटमा कार्यक्रममा उनले लोकतान्त्रिक मूल्य मान्यता अनुरुप १४ औँ महाधिवेशन सम्पन्न गरेकाले पार्टीभित्र कुनै पूर्वाग्रह र द्वेश नरहेको पनि बताए ।
एमालेले लगातार संसद अवरुद्ध गरेर संसदीय मूल्य मान्यताको उपहास गरेको पनि नेता आङ्देम्बेले बताए ।
प्रतिक्रिया