काठमाडौं–अंग्रेजी नयाँवर्ष २०२२ को अवसर पारेर गायक प्रवेश राईको स्वरमा रहेको गीत ‘अनलाइन’ सार्वजनिक भएको छ । अमेरिकामा बस्दै आएका गायक राईको गीतमा उनकै शब्द तथा संगीत छ ।
गीतलाई जीआर उप्रेतीले संगीत संयोजन गरेका छन् । गीतले वर्तमान युवापुस्ताले फेसबुकमार्फत व्यक्त गर्ने प्रेम र भावनालाई गीतमा समेटिएको छ । अनलाइनमा भएकी प्रेमिकाले म्यासेजमा जवाफ नदिँदाको पीडालाई गीतमा देखाइएको छ ।
भिडियोमा गायक प्रवेश राई, सिर्जना भुजेल र बादल मगरको अभिनय रहेको छ । भीम लामिछानेको छायांकन रहेको भिडियोमा राजेश शाहको सम्पादन, प्रवेश, प्रज्जवल र सागरको परिकल्पना छ । भिडियो ओएसआर डिजिटलको युट्युब च्यानलबाट सार्वजनिक गरिएको हो ।
प्रतिक्रिया