प्राय: मानिस ब्राण्डेड कपडा मन पराउँछन् । धेरैले ब्राण्डेड कपडा किन्न ठुलो धनराशी खर्च गर्छन् । अझ अहिलेको चिसो मौसममा मानिस महंगो ज्याकेट र स्वेटर किन्छन् । मंहगा ज्याकेट वा स्वेटरको औसत मूल्य १०–१५ हजारसम्म पर्न जान्छ । तर के कुनै स्वेटरको मूल्य करिब आधा करोड पर्छ होला ?

२४ क्यारेट सुनको धागोबाट इटालियन सिल्कका साथमा बनाइएको यो स्वेटरको मूल्य करिब ४८ लाख अर्थात् झन्डै आधा करोड पर्न जान्छ । यो स्वेटर एक प्रकारको क्रिसमस जम्पर रहेको छ । ४८ लाखको यस स्वेटरमा हिरासमेत जडान गरिएको छ । यसलाई बनाउन मात्र ३ हजार घण्टा भन्दा बढी समय लागेको थियो ।

यो स्वेटर बनाउने कलाकार आर्टिस्ट एडेन लिबनले आफ्नो जीवनभरको कमाई खर्चेर यसको निर्माण गरेका हुन् । यो स्वेटर बिक्रिबाट मिलेको रकम एडेनले स्वास्थ्य सेवामा दान दिने बताएका छन् । यदि यो स्वेटर बिक्रि भएमा यो हालसम्मको सबैभन्दा बढी मंहगोमा बिक्रि हुने स्वेटर बन्ने छ । अहिले यो बिक्रिमा राखिएको छ ।