काठमाडौं– निर्देशक उदय सुब्बा निर्देशित फिल्म ‘आकासे खेती’ ले अफिसियल पोस्टरसँगै रिलिज मिति पनि सार्वजनिक गरेको छ । फिल्म आगामी फागुन २७ गते रिलिज हुनेछ ।

पोस्टरमा प्रमुख कलाकारहरु गौरव पहारी, विल्सनविक्रम राई ‘तक्के बुढा’, बुद्धी तामाङ ‘हैट’, नीता ढुङ्गाना, रवीन्द्र झा, रमा लिब्बु, जयनन्द लामा, शिशिर वाङ्देललगायतका कलाकारलाई समेटिएको छ ।

निर्देशक सुब्बाले फिल्मले तिब्बती शरणार्थी र परिश्रम नै नगरी पैसा कमाउने युवाहरुको सपना र चाहनाको कथालाई देखाउने बताए ।

केदार उप्रेती, जीवन सुब्बा, राजेन्द्र चोङ्वाङ, दिलप्रकाश याक्सो निर्माता रहेको फिल्मको कथा निर्देशक आफैले तयार पारेका हुन् । फिल्मको संवाद कलाकार विल्सनविक्रम राई ‘तक्के बुढा’ले लेखेका हुन् ।

एसएस इन्टरनेशनल फिल्मस् र तोक्मे प्रोडक्सनको संयुक्त ब्यानरमा निर्माण भएको फिल्ममा विक्रम डिसीको छायांकन, सुजन बडालको सम्पादन, राजु किरातीको द्वन्द्व, रामजी लामिछाने र राजिवको नृत्य, विकास चौधरी र बादल लिब्बुको संगीत छ । फिल्मलाई जिजि ग्रुपका करण श्रेष्ठले उपत्यका र एफ.डि कम्पनीले उपत्यका बाहिर वितरण गर्नेछ ।