काठमाडौं– रेड ओशिय इन्टरटेनमेन्टको व्यानरमा निर्माण भएको गुरुङ भाषाको फिल्म ‘फिच्यो’ को काठमाडौंको सामाखुशीस्थित रानीदेवी पार्टी प्यालेसमा विशेष प्रदर्शन गरिएको छ । फिल्मका निर्देशक विकास घले गुरुङ हुन् ।

फिल्ममा विश्वास गुरुङ, कासी घले(इन्द्र), टिकाराम घले, सीतादेवी गुरुङ, कल्याण थापामगर, कृष्ण गुरुङ, डिबी गुरुङ, विरुप घले, पेम्बाछिरिङ शेर्पा, अन्जना गुरुङ र सिर्जना गुरुङको अभिनय छ ।

विशेष प्रदर्शनीमा तमु कलाकार संघका निर्वतमान अध्यक्ष राजु गुरुङ, लमजुङ घले समाजका अध्यक्ष द्रुतराज घले, गायक एवं सञ्चारकर्मी सहजकुमार घले, चलचित्र पत्रकार शान्तिप्रिय, उत्तरी गोरखा सांस्कृतिक समाजका अध्यक्ष सुनिला गुरुङ, गुरुङ फिल्मका अभिनेता बुद्ध गुरुङ, आनन्द गुरुङ, गायक तथा संगीतकार आँशु लामा, निर्देशक जनक गुरुङ एवं संगीतकार सन्तोष श्रेष्ठको सहभागिता रहेको थियो ।

शान्ति गुरुङ सु.मन्त्री गुरुङ, बुद्धिमाया गुरुङ एवं अभिनास माङसुम निर्माता रहेको फिल्ममा सोम गुरुङको सह–निर्देशन, प्रकाश गुरुङको छायांकन, सन्तोष श्रेष्ठ र गणेश गुरुङको संगीत, गोरे गुरुङको निर्देशनको नृत्य, तारा थापा ‘किम्भे’को सम्पादन, सम्राट थापाको पाश्र्वसंगीत छ । यो फिल्म अमेरिकामा पनि प्रदर्शन हुँदैछ ।