काठमाडौं–नेपाली कलाकार तथा मार्शल आर्ट खेलाडी शन्नी बि केसी अभिनित हलिउड फिल्म ‘फाइट अफ फरी २’को फस्टलुक सार्वजनिक भएको छ । फिल्ममा केसीकै कथा र निर्देशन छ ।
फिल्ममा अभिनेता ब्रुसलीको फिल्म ‘इन्टर द ड्रागन’का कलाकार बब वाल, लियो फोङ, जोस्फ माइकल, एम एम ए फाइटरलगायतका हलिउडका कलाकारको अभिनय छ । अंग्रेजी भाषामा बनेको फिल्म नेपालमा नेपाली भाषामा सबटाइटल गरेर प्रदर्शन गरिने निर्देशक केसीले बताए ।
एक्सन जनराको फिल्ममा मानव बेचविखनविरुद्धको कथा देखाइएको छ । निर्देशक केसीका अनुसार फिल्म हलिउडका थिएटरसँगै ओटीटी प्लेटफर्म नेटफ्लिक्स, एमाजोन प्राइममा रिलिज पछि नेपालमा रिलिज गरिनेछ ।
प्रतिक्रिया