काठमाडौँ– सभापतिको टुंगो लगाउन भन्दै कांग्रेस संस्थापन इतर समूहको निर्णायक बैठक शुक्रबार साँझ बत्तिसपुतलीस्थित अनुपम फुडल्याण्डमा बस्यो। सभापतिका चारैजना आकांक्षी वरिष्ठ नेता रामचन्द्र पौडेल, डा.शशांक कोइराला, प्रकाशमान सिंह र डा शेखर कोइरालासहितको बैठकले सहमति जुटाउन सकेन ।

बैठकमा महामन्त्री डा.शशांक कोइरालाले सभापतिमा आफ्नो दाबी यथावत रहेको अडान राखेका छन् । सभापतिको अडान राखेर उनी बैठकबाट बाहिरिएका छन् । शुक्रबार महाधिवेशन उद्घाटन भएको छ । शनिबार उम्मेदवारी दर्ताको कार्यक्रम छ । उम्मेदवारी दर्ता गर्ने समय आइसक्दा पनि पौडेल समूहले सभापतिबारे निर्णय गर्न सकेको छैन।

संस्थापनबाट भने शेरबहादुर देउवा फेरि सभापतिको उम्मेदवार बन्ने भएका छन् । संस्थापनले पनि अन्य पदाधिकारी भने टुंगो लगाएको छैन ।