हामी सबैले बिहान उठ्ने बित्तिकै गर्ने पहिलो काममा मुख धुनु पनि पर्दछ । अनुहार नै मानिसको पहिलो परिचय भएकाले सफा अनुहार बनाउन चाहन्छन् । अनुहार शरीरको संवेदनशील भाग भएकाले पनि यसलाई दैनिक सफा गर्नुपर्छ । तर कहिलेकाहीँ थोरै असावधानीका कारण अनुहारमा हानी पुग्न सक्छ । त्यस्तोमा राम्रो, मुलायम र सफा अनुहार बनाउन मुख धुने बेलामा ख्याल गर्नुपर्ने कुराहरू निम्न छन् ।
– अनुहार धुँदा तातोपानीले नधुने । धुनै परे हल्का मनतातो पानीले मात्र धुने ।
– अनुहार धोएपछि नरम र सफा कपडाले मुख पुछ्ने ।
– अनुहारको छाला नरम हुने भएकाले मुख पुछ्दा धेरै नरगड्ने ।
– अनुहारमा हानी नहोस् भन्न क्लिनरको प्रयोग नगर्ने ।
– अनुहार धुँदा हतार हतारमा मसाज र सफा नगर्ने ।
– साबुन पानी वा फेसवासले मुख धुँदा धेरै नघोट्ने ।
– अनुहार सफा गरेपछि मोइस्चाराइजिङ क्रिम लगाउने ।
– अनुहारमा लगाउने क्रिम छालाको प्रकृति अनुसार मिल्ने हुनुपर्छ ।
प्रतिक्रिया