चितवन– चितवनको सौराहमा जारी नेकपा एमालेको १० औँ महाधिवेशनको बन्दसत्र चलिरहेको छ । बन्दसत्रमा अध्यक्ष केही शर्मा ओलीले यतिबेला सम्बोधन गरिरहेका छन् । नयाँ कार्यसमिति चयनका लागि निर्वाचन आयोगले कार्यतालिका सार्वजनिक नगर्दै नेताहरुले उम्मेदवारी घोषणा गरेपछि बन्दसत्र ढिला गरी सुरु भएको थियो ।

केन्द्रीय पदाधिकारी र केन्द्रीय सदस्यका आकांक्षी धेरै भएपछि शुक्रबार राति बसेको केन्द्रीय कमिटीले नेताहरुको व्यवस्थापनका लागि केन्द्रीय सदस्य र पदाधिकारीको संख्या बढाउनेसमेत प्रस्ताव गरेको छ ।

पदाधिकारी बढाउँदा पनि सर्वसम्मत हुने सम्भावना कम हुँदै गएको नेताहरुले बताउँदै आएका छन् । अध्यक्षमा ओलीलाई भीम रावलले चुनौती दिने घोषणा गरिसकेका छन् भने घनश्याम भुसालले उपाध्यक्षमा मत मागिरहेका छन् ।