पत्थरी अहिले प्रायजसो धेरै मानिसहरूमा भएको पाइन्छ । पहिला–पहिला पत्थरी परेको अप्रेसन गर्न पनि धेरै गाह्रो र महँगो थियो । तर अहिले बदलिँदो परिवर्तन र नयाँ आविष्कारको कारणले पत्थरीलाई सजिलै पगाल्न सकिने औषधीहरू आएका छन् । जसको कारण पत्थरी परेको मानिसहरूको उपचार राम्रोसँग गर्न सकिन्छ ।

पत्थरी हुँदा अनुहार र खुट्टा सुनिन्छ, पिसाब फेर्दा दुख्ने वा पोल्ने हुन्छ, पिसाब एकै पटक नआई कन बिचबिचमा रोकिँदै आउँछ, लिङ्गको अगाडिको भागमा पीडा भएजस्तो हुन्छ, वान्ता हुनु, बारम्बार पिसाब लागेजस्तो हुनु, कम्मरमा दुख्नु जस्ता लक्षणहरु देखिन्छ।

पत्थरी हुने कारणहरू निम्नानुसार रहेको पाइन्छ :

१. पिसाबमा युरिक एसिड फस्फोरस क्याल्सियम र अक्सिकल एसिडको मात्रा धेरै भएमा ।

२. युरिक एसिड जस्ता पदार्थ आफैँमा मिलेर गोलो चेप्टो अथवा लाम्चो चिल्लो केराउको दानाजस्तो बन्नु ।

३. शरीरमा गर्मी बढी तातेको कारणले ।

४. परिश्रम गरेभन्दा पनि बढी पसिना निस्कनुले ।

५. फलफूल, सलाद, तरकारी र मासु धेरै खानाले ।

६. भिटामिन ‘डी’ को विषाक्तताले गर्दा पनि पत्थरी उत्पन्न हुन सक्दछ ।

साभार : ‘हाम्रो घरको डाक्टर’ पुस्तकबाट