काठमाडौँ– भारतीय योग गुरु बाबा रामदेव र पतञ्जली योगपीठका प्रमुख आचार्य बालकृष्णले नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेट गरेका छन् । बिहीबार काठमाडौँ पुगेकै दिन रामदेव र आचार्य बालकृष्णले खुमलटार पुगेर प्रचण्डसँग भेट गरेका हुन् ।

रामदेव र आचार्य बालकृष्णले अस्वस्थ्य रहेकी प्रचण्ड पत्नि सीता दाहाललाई पनि भेटेका छन् । यो भेटका तस्वीरहरु प्रचण्डकी छोरी ज्ञानु दाहालले फेसबुकमा सार्वजनिक गरेकी छन् ।

तस्वीरसँगै उनले लेखेकी छन्, ‘भारतीय योग गुरु एवं पतञ्जली योगपीठका संचालक स्वामी बाबा रामदेव एवं आचार्य बालकृष्णले आज खुमलटार निवासमा अध्यक्ष कमरेड प्रचण्डसंग भेट गर्नुभएको छ यसै क्रममा उहाँहरुले आमा सिता दाहाललाई भेटी स्वास्थ्य लाभको कामना पनि गर्नुभएको छ।’