इलाम– नेकपा एमालेको गाउँ नगर अधिवेशनका क्रममा इलामका दुई स्थानीय तहमा महिलाले नेतृत्व लिएका छन् ।

६ गाउँपालिका र ४ नगरपालिका रहेको इलामका १० स्थानीय तह मध्ये दुई ठाउँमा महिला अध्यक्ष बनेका हुन् ।

पछिल्लो पटक चुलाचुली गाउँपालिकामा दिलू लावतीको अध्यक्षतामा सर्वसम्मत गाउँकमिटी गठन भएको छ ।

पार्टीका जिल्ला सचिवालय सदस्य ओमनारायण खनालका अनुसार लावतीको अध्यक्षतामा कुमार राई उपाध्यक्ष र ऋतुप्रसाद अधिकारी सचिव रहेको गाउँकमिटी गठन भएको हो । कमिटीको उपसचिवमा होमनाथ दाहाल र सञ्जू प्रधान निर्वाचित भएका छन् ।

यस अघि इलामकै सुर्योदय नगरपालिकामा समेत महिला अध्यक्ष बनेकी थिईन् । त्यहाँ दूर्गा भट्टराई एमालेको नगरकमिटी अध्यक्षमा निर्वाचित बनेकी हुन् ।

इलामका सवै स्थानीय तहमा एमालेको गाउँ–नगर अधिवेशन भई सकेको छ भने माङ्सेवुङ्मा शुक्रबार हुनेछ । केही समय अघि बाढी पहिरोका कारण अधिवेशनको समय सारिएको थियो ।