काठमाडौं– पाँचथर काठमाडौं कलाकार समाजले दिपावली, नेपाल संबत र आउँदै गरेको छठ तथा उधौली पर्वहरुको अवसर पारेर राजधानीमा एक कार्यक्रम गर्दै तीन स्रष्टालाई सम्मान गरेको छ ।

संघीय सरकारका अर्थमन्त्री जनार्दन शर्मा ‘प्रभाकर’ले समाजसेवी रामकुमार लिङ्देन, संगीतकार गणेश गुरुङ र साहित्यकार शान्ता देवी गौतमलाई सम्मान गरेका हुन् । शर्माले कला, साहित्य, भाषा र संस्कृतिको जगेर्ना कलाकारबाट मात्र सम्भव रहेको बताए ।

पाँचथर समाज नेपालका अध्यक्ष होमकुमार लावतीको विशेष आतिथ्यता तथा संस्थाका अध्यक्ष याशेली योङहाङको सभापतित्वमा भएको कार्यक्रममा अशोक मुकारुङ, रोशन वान्तवा, धनु ज्ञाङ्मी, लक्ष्मी योङहाङ, नुमा शेर्पा, निशा आङदेम्बे, नरेश वनेम, वीरेन्द्र मालाकार, बद्री हिङ्माङ, डीआर हाङसरुम्बा, भवानीविक्रम नेम्बाङलगायतका कलाकारहरुले आफ्नो प्रस्तुति दिएका थिए ।