काठमाडौँ- नेपाली सेनाले अपराध अनुसन्धान र सुरक्षा कार्यमा अब्बल मानिएका कुकरको आज ‘कुकुर तिहार’ को अवसरमा विशेष पूजासँगै तिनका कला पनि प्रस्तुत गरेको छ ।

कुकुरको सहयोगमा सेनाले हातहतियार तथा विष्फोटक पदार्थ पत्ता लगाउन र सुरक्षा गार्डमा कुकुर प्रयोग गर्दै आएको छ ।

हेर्नुहोस् भिडियोमा ‘फौजी कुकुर‘को कौशल

सरकारले २०५५ सालमा सेनामा तालिम प्राप्त सैनिक डग राख्ने निर्णय गरेपछि सोही वर्ष भारतबाट जर्मन सेफेर्ड ६ र लेब्राडोर ६ कुकुर ल्याएर २०५६ सालदेखि तालिम दिई सञ्चालन गरिएको गठ्ठाघरस्थित भैरव बहान गुल्मको डग केनलमा हाल जर्मन सेफेर्ड २३, लेब्राडोर ५५, ककर स्पाइनल सात, गोल्डेन रिट्रिभर दुई, मालिनोइज एक बच्चा कुकुर छन् ।

एउटा कुकुरका लागि तालिम र खाना खर्चसहित सबै बन्दोबस्तीका लागि प्रतिदिन ३७३ रुपैयाँ खर्च लाग्ने बताइएको छ ।

नेपाली सेनाले १८ वर्षदेखि आफ्ना फौजी कुकुरलाई शान्ति मिसनमा पनि सहभागी गराउँदै आएको छ।