काठमाडौं– रुकुम पुर्वको भूमे गाउँपालिकामा एक व्यक्ति आफ्नै बुवाको हत्या गरेर प्रहरी चौकीमा उपस्थित भएका छन् ।

भूमे गाउँपालिका–७ का २० वर्षी विराज विक ४७ वर्षीया बाबु रमन विकको हत्या गरेर स्थानीय प्रहरी चौकीमा उपस्थित भएका हुन् ।

बुवाको हत्या गरेर विराज बिहीबार विहान ६ बजे भूमे गाउँपालिका–६ महतमा रहेको प्रहरी चौकी पुगेका थिए ।

उनले विहान ५ बजे खुकुरी प्रहार गरी बाबुको हत्या गरेको प्रहरीमा बयान दिएका छन् ।

जिल्ला प्रहरी कार्यालय रुकुम पूर्वले घरायसी विवादका कारण विराजले बुवाको हत्या गरेको हुनसक्ने जनाएको छ । घटनाबारे थप अनुसन्धान भइरहेको प्रहरीले जनाएको छ ।

‘मैले बाबुको घाँटी रेटेर हत्या गरे’ भन्दै प्रहरी चौकी पुगेका विराजलाई नियन्त्रणमा लिएर अनुसन्धान भइरहेको प्रहरीले जनाएको छ ।