मुम्बई(दैनिक भास्कर)– भारतीय क्रिकेट टिम टी–२० विश्वकप क्रिकेटमा पाकिस्तानसँग पराजित भएपछि तिब्र बलर मोहम्मद शमीलाई ट्रोलरले निशाना बनाएका थिए । केही प्रयोगकर्ताले शमीको धर्ममाथि निशाना बनाउदै उनलाई ‘गद्धार’ सम्म भन्न पछि परेनन् । यसपछि कप्तान विराट कोहलीले यस्ता ट्रोलर्समाथि तिब्र रिस पोखेका थिए । उनले ट्रोलर्सलाई ‘बिना मेरुदण्ड’को मानिस भनी रोष प्रकट गरेका थिए ।

ट्रोलर्सलाई विराटको रिस मनपरेन र उनीहरुले विराट र अभिनेत्री अनुष्का शर्माको छोरी वामिकामाथि गाली र असंवेदनशिल टिप्पणी गर्न थाले । यतिसम्मकी उनीहरुको छोरीलाई बलात्कार गर्नेसम्मको धम्की दिए । बलात्कारसँग जोडिएको पोस्ट आन्द्रे बोर्गेसले शेयर गरेका छन् ।

विराट–अनुष्काको छोरीलाई बलात्कारको धम्की दिएपछि सामाजिक सञ्जाल प्रयोगकर्ताले विराटको समर्थन गरेका छन् । एक प्रयोगकर्ताले ‘केही घटिया मानिसले पहिलेदेखि नै वामिकालाई ट्रोल गरिरहेका छन् । उनीहरु हाम्रो देशको स्तरलाई दर्शाइ रहेका छन् । यो राम्रो कुरा हो कि विराट–अनुष्काले वामिकलाई सामाजिक सञ्जालबाट टाढा राख्ने निर्णय लिएका छन्’ भनी लेखेका छन् ।

ट्रोलर्सले क्रिकेटरको परिवारलाई निशाना साँधेको यो पहिलोपटक होइन । आइपीएलमा असफल भएपछि ट्रोलर्सले क्रिकेटर महेन्द्रसिंह धोनीकी पत्नी साक्षीको इन्स्टाग्राम एकाउण्टमा उनको ५ वर्षकी छोरी जीवालाई बलात्कारको धम्की दिएका थिए ।

धोनीकी छोरीमाथि दुष्कर्म गरेको मामलामा कच्छबाट एक नाबालिगलाई हिरासतमा राखिएको थियो । आरोपी १६ वर्षका ११ कक्षामा पढ्ने विद्यार्थी थिए । पश्चिम कच्छ प्रहरीले उनलाई पक्राउ गर्नुअघि आरोपीले विवादित कमेण्टलाई सामाजिक सञ्जालबाट हटाएका थिए ।