काठमाडौं–अधिराज्य मिडिया नेटवर्कले राजधानीमा आयोजना गर्न लागेको ‘विराट म्युजिक एण्ड फिल्म अवार्ड–२०७८’ मा चलचित्र पत्रकार लक्ष्मण सुवेदीलाई ‘सर्वोत्कृष्ट चलचित्र पत्रकार–२०७७’ प्रदान गरिने भएको छ ।

लामो समयदेखि चलचित्र पत्रकारितामा सक्रिय सुवेदीलाई आयोजकले नगदसहित पुरस्कृत गर्न लागेका हुन् । पत्रकार सुवेदी चलचित्र पत्रकार संघका पूर्व उपाध्यक्षसमेत हुन् ।

गीतसंगीत तथा फिल्म सम्बन्धी विभिन्न ४४ बिधामा अवार्ड प्रदान गरिने कार्यक्रम कार्तिक २५ गते राजधानीमा हुने कार्यक्रम संयोजक केवल भुजेलले बताए । कार्यक्रममा गीतसंगीतका ३० र फिल्मका १४ गरि जम्मा ४४ विधामा अवार्ड प्रदान गरिनेछ ।

प्रतिस्पर्धात्मक तथा जुरी अवार्डसँगै गीतसंगीत तथा फिल्मका स्रष्टाहरुलाई सम्मान गरिने आयोजकले जनाएका छन् ।