काठमाडौं– प्रहरीको असईमा जागीर लगाइदिन्छु भन्दै ठगी गर्ने एक व्यक्तिलाई प्रहरीले पक्राउ गरेको छ ।
महानगरीय प्रहरी परिसर काठमाडौँको विशेष टोलीले नवराज भण्डारी नाम गरेका एक युवकलाई उजुरीका आधारमा पक्राउ गरेको हो । भण्डारीले विभिन्न व्यक्तिलाई प्रहरीको असइ पदामा जागिर लगाइदिने भन्दै ठगी गरेको परिसरका प्रवक्ता डिएसपी होविन्द्र बोगटीले बताए ।
भण्डारीले उदयकान्त साह भन्ने व्यक्तिबाट जागिर लगाइदिने भन्दै ७० हजार रुपैयाँ ठगी गरेको उजुरी प्रहरीमा परेको छ । पक्राउ परेका भण्डारीको थप अनुसन्धान भइरहेको प्रहरीले जनाएको छ ।
प्रतिक्रिया