काठमाडौं– राष्ट्रिय ट्रमा सेन्टरमा उपचार गराउने हड्डीको क्यान्सर भएका बिरामीले सरकारी सहुलियत पाउने भएका छन् ।

गत बैशाख २३ गते स्वास्थ्य मन्त्रालयमा भएको सचिवस्तरको निर्णयले ट्रमा सेन्टरमा उपचार गराउने हड्डीमा क्यान्सर भइ शल्यक्रिया गर्नुपर्ने बिरामीको उपचारमा एक लाखसम्मको सहुलियत दिने निर्णय गरेको हो ।

हड्डीमा क्यान्सर भएर शल्यक्रिया गर्नुपर्ने बिरामीले अब ट्रमा सेन्टरमा उपचार गराउँदा विपन्न नागरिक कोषमार्फत एक लाखसम्मको सहुलियत पाप्त गर्नेछन् । यसअघि ट्रमा सेन्टरमा उपचार गराउने स्पाइनल इन्जुरी र हेड इन्जुरीका बिरामीले मात्रै उपचारमा सहुलियत पाउने गरेका थिए ।

राष्ट्रिय ट्रमा सेन्टरमा वार्षिक १ सय जना हड्डीको क्यान्सर भएका बिरामीले उपचार सेवा पाएका छन् ।