काठमाडौँ– हिरो मोटोकर्पले नेपाली बजारमा नयाँ माएस्ट्रो एज ११० सार्वजनिक गरेको छ ।

कनेक्ट सम्पर्क सञ्जालयुक्त स्टाइलिस माएस्ट्रो एज ११० विशेषगरी नेपाली ग्राहकका लागि उपयुक्त डिजाइन भएको दाबी कम्पनीको छ । नयाँ माएस्ट्रो एज ११० मा यस वर्गकै पहिलो फस्ट इन सेग्मेन्ट एलइडी प्रोजेक्टर हेडलाइट, पूर्ण डिजिटल स्पिडोमिटर, आईथ्रीएस स्टार्ट स्टप प्रणाली, ब्लुटुथ कनेक्टिभिटी, कल अलर्ट र टर्न–बाइ–टर्न नेभिगेसनसहित नयाँ सार्पर डिजाइन छ । माएस्ट्रो एजको नेपाली बजार मूल्य २ लाख १५ हजार पर्छ ।

‘ग्राहकलाई केन्द्रबिन्दुमा राखेर नेपालमा नवीनतम प्रविधि र डिजाइनसहितका सान्दर्भिक उत्पादन उपलब्ध गराउन प्रतिबद्ध छौं । नयाँ माएस्ट्रो एज ११० ले युवालाई उत्कृष्ट अनुभव प्रदान गर्ने हाम्रो प्रतिज्ञासँग मेल राख्छ,’ हिरो मोटोकर्पका ग्लोबल बिजनेस प्रमुख सञ्जय भानले भने ।

नेपालमा हिरो मोटोकर्पको वितरक नेपाल जनरल मार्केटिङले ७५ डिलर, ८७ सर्भिस सेन्टर र ९० स्पेयर पार्ट आउटलेटसहित देशभरका ९० वटा बिक्री केन्द्रमार्फत ग्राहकलाई सेवा दिँदै आएको छ । नेपालमा हाल एचएफ डिलक्स, स्प्लेन्डर प्लस, सुपर स्प्लेन्डर, ग्ल्यामर, हंक १५० आर, एक्सट्रीम १६० आर, एक्सपल्स २००, एक्सपल्स २०० टी मोटरसाइकल एवं प्लेजरप्लस प्लेटिनम, माएस्ट्रो एज ११० र डेस्टिनी १२५ स्कुटर बिक्री हुँदै आएका छन् ।