काठमाडौँ– अविरल वर्षाका कारण डुवानमा परी धानबालीको नष्ट भएकाले त्यसको आवश्यक क्षेतिपूर्ति दिन अखिल नेपाल किसान महासंघले सरकारसँग माग गरेको छ ।

महासंघले मंगलबार विज्ञप्ति जारी गर्दै किसानले भित्राउने तयारी अवस्थामा रहेको देशको मुख्यबाली धानमा ठूलो क्षेति पुगेकाले क्षतिको सत्यतथ्य विवरण संकलन गरी सरकारले किसानलाई राहत दिनुपर्ने माग गरेको छ ।

प्राकृतिक विपत्ति लगायतका कारण कृषि क्षेत्रमा हुने क्षतिबाट किसानलाई संरक्षण गर्नका लागि बाली विमाको कार्यक्रमलाई सहज र प्रभावकारी बनाउनुका साथै मौषम पूर्वानुमानलाई थप प्रभावकारी बनाउने र आम किसानहरुलाई सहजै जानकारी प्राप्त गर्ने गरी व्यवस्था मिलाउन पनि महासंघले सरकारसँग माग राखेको छ ।

अविरल वर्षाका कारण आएको बाढीले डुवान हुँदा भित्र्याउने तयारीमा रहेको ठुलो परिनामको धान खेतमै नष्ट भएको छ ।