काठमाडौँ– काठमाडौँ विश्वविद्यालय अन्तराष्ट्रिय विद्यार्थी आकर्षण गर्ने तयारिमा लागेको छ ।

काठमाडौँ विश्वविद्यालयमा अध्ययन गर्न आउने विदेशी विद्यार्थीको संख्या १३ प्रतिशत रहेकाले त्यसलाई बढाउने योजना व्यवस्थापनले बनाएको हो ।

विश्वविद्यालय व्यवस्थापनका अनुसार विगत तीन दशकको तथ्यांक हेर्दा काठमाडौँ विश्वविद्यालयवाट दिक्षीत हुनेमध्ये करिव १३ प्रतिशत विद्यार्थी विदेशी छन् ।

हालसम्म दक्षिण एशियाका देशवाहेक अमेरिका, क्यानाडा, बेलायत, जर्मनी, नर्बे, रसियासहित ४६ देशका विद्यार्थी यो विश्वविद्यालयवाट दिक्षीत भएका छन् ।

विदेशी विद्यार्थी मध्ये नेपालभन्दा धेरै टाढा रहेको जाम्बियाका १८ जना, दक्षिण अफ्रिकाका १४ जनाले समेत काठमाडौँ विश्वविद्यालयलाई आफ्नो उच्च शिक्षाको गन्तब्य छानेका कारण नेपालले चाहँदा अन्तराष्ट्रिय विद्यार्थीहरुको आकर्षक गन्तब्य रहने देखिएको र त्यसका काठमाडौँ विश्वविद्यालयले थप पहल शुरु गरेको काठमाडौँ विश्वविद्यालयका अधिकारी बताउँछन् ।