काठमाडौं- बैदेशिक रोजगार विभागले ४८ वटा म्यानपावर कम्पनीका अनलाइन कारोवार बन्द गरेको छ । विभागले पटक पटक मागेको अद्यावधिक विवरण नबुझाउने म्यानपावर कम्पनीका अनलाइन कारोवार बन्द गरिएको विभागले जानकारी दिएको छ ।

विवरण अद्यावधिक नगर्ने म्यानपावर अनलाइन कारोवार बन्द गरी अन्य प्रक्रियाका अगाडी बढाइएको विभागले जनाएको छ । विभागले तोकिएको समयसीमा भित्र आफ्नो विवरण अद्यावधिक नगर्ने त्यस्ता म्यानपावरको सूचना प्रणालीमा अनलाइन कारोवार बन्द भएको विभागका निर्देशक भोलानाथ गुरागाईले जानकारी दिए ।

विभागले गत हप्ता १० वटा म्यानवार कम्पनी खारेज गरेको थियो । वैदेशिक रोजगारीका क्रममा कामदारलाई समस्या पर्ने म्यानपावर कम्पनीको अनुगमन तीब्र परिएको विभागले जनाएको छ ।

विभागले वैशाख महिनामा मात्र दर्जनभन्दा धेरै म्यानपावर कम्पनीको अनुगमन गरेको छ । पीडितले दिएको उजुरीका आधारमा विभागले म्यानपावर कम्पनीको अनुगमन गर्ने कामलाई तीब्र बनाएको छ ।

यस्तो छ कारबाहीमा पर्ने म्यानपावर कम्पनीको सूची