दोलखा- नेपाली कांग्रेस दोलखाको सभापतिमा बर्मा लामा निर्वाचित भएका छन् ।
चौधौँ जिल्ला अधिवेशनमा बर्माले तारा खड्कालाई ठूलो मतान्तरले पराजित गर्दै निर्वाचित भएका हुन् ।
लामाले कूल एक हजार ३७३ मध्ये ८७७ मत प्राप्त गर्दा निकटतम प्रतिद्वन्दी खड्काले ४८५ मत प्राप्त गरे ।
लामा वरिष्ठ नेता रामचन्द्र पौडेलनिकट मानिन्छन् भने खड्का पूर्व महामन्त्री कृष्णप्रसाद सिटौला निकट हुन्।
यसअघि लामाले पहिलो चरणमा भएको निर्वाचनमा ५१ प्रतिशत ल्याउन नसकेपछि दोस्रो चरणमा मतदान भएको हो ।
सभापति शेरबहादुर देउवानिकट अर्का उम्मेदवार रूद्रबहादुर खड्का भने पहिलो चरणबाटै बाहिरिएका थिए।
प्रतिक्रिया