काठमाडौं – चलचित्र ‘पोइ पर्‍यो काले’ को औपचारिक घोषणा गरिएको छ । महिनौँअघिदेखि नै फिल्म निर्माणको हल्ला बाहिर आएको थियो । सोमवार राजधानीमा पत्रकार सम्मेलन गरी फिल्मको ‌औपचारिक निर्माणसँगै फिल्मको मुहूर्त गरियो । चलचित्र आएँदो कार्तिक ८ गतेदेखि प्रदर्शनमा आउने निर्माण टिमले जनाएको छ ।

शिशिर राणाले निर्देशन गर्ने यो फिल्ममा पूजा शर्मा, सौगात मल्ल, सृष्टि श्रेष्ठ, सोहित मानन्धर, राजाराम पौडेल, आकाश श्रेष्ठ, जयनन्द लामा लगायतका कलाकारको मुख्य भूमिकामा अभिनय रहनेछ । फिल्मको कथा निर्देशक राणाले नै लेखेका हुन् । चलचित्रमा पूजाको श्रीमानको भूमिकामा सौगात मल्ल रहनेछन् ।

सुरक्षा पन्तको छोटो भूमिका रहने यो फिल्ममा ताराप्रकाश ‘किम्भे’ को सम्पादन रहेको छ । यस्तै फिल्ममा दीपक मनाङे र देवी राईको निर्माण रहनेछ भने किरण नेपाली र रघु परियार सह–निर्माताका रुपमा छन् ।

जेठ १३ गतेबाट फ्लोरमा जान लागेको यो फिल्म स्तरीय बनाउने निर्देशकले दाबी गरे ।