काठमाडौं– गायिका रचना रिमालको स्वरमा रहेको गीत ‘विरोध छैन’को भिडियो सार्वजनिक भएको छ । गीतमा सरला श्रेष्ठको शब्द र कृति न्यौपानेको संगीत छ ।

गीतको भिडियोमा कुसुम थापा र हेमप्रभाष अधिकारी फिचर्ड छन् । भिडियोमा गरिबीको पीडापश्चात परदेश जान बाध्य प्रेमीको सम्झनामा प्रेमिकाले पोखेको विरह र प्रेमिकाको सम्झनामा प्रेमीको छटपटाहट समेटिएको छ ।

कुसुम र हेमको जोडीलाई निर्देशक खनालले सुन्दर रुपमा प्रस्तुत गरेका छन् । भिडियोमा कलाकार पदमप्रसाद अधिकारीलाई पनि देख्न सकिन्छ ।

आङ्चेन लामाको छायांकन रहेको भिडियोमा टेकेन्द्र शाहको सम्पादन छ । गीतकार सरलाले भिडियोबाट प्राप्त हुने रकम विगतदेखि आफुले मद्धत गर्दै आइरहेको शारीरिक तथा मानसिक अशक्तहरुको सेवामा खर्चिने प्रतिबद्धता जनाएकी हुन् ।