मुम्बई(दैनिक भास्कर)– बलिउड अभिनेत्री कंगना रनावतको फिल्म ‘थलाइवी’ गत सेप्टेम्बर १० मा रिलिज भयो । यो एक बायोग्राफिकल फिल्म हो, जसमा कंगनाले पूर्व अभिनेत्री तथा तामिलनाडु राज्यकी मुख्यमन्त्री जयललिताको भूमिका निर्वाह गरेकी छन् ।

फिल्म रिलिज भएपछि एकातर्फ कंगनाको अभिनयको सराहना भइरहेको छ भने अर्कोतर्फ बलिउडका केही सेलिब्रेटीले फिल्मबारे कुनै प्रतिक्रिया दिएका छैनन् । यो कुरामा कंगना रिस पोखेकी छन् ।

हालैमात्र उनले आफ्नो फिल्मको तारिफ नगर्ने सेलिब्रेटीलाई ‘बलिउड माफिया’ भनेकी छन् । उनले सामाजिक सञ्जालमा एक पोस्ट गरिन् । जुन पोस्टमा उनले आफ्नो रिस पोखेकी छन् ।

‘धेरै कम यस्तो हुन्छ जब कुनै फिल्मलाई यति जोश र सर्वसम्मत मनपराइन्छ र थलाइवी यस्तै एक फिल्म हो । मलाई खुशी लागेको छ कि थलाइवी डा. जे जयललिताका बारेमा सर्वसाधारणले जान्ने मौका पाएका छन् । यो फिल्म बनाउनका लागि मेरो टिमलाई धन्यवाद व्यक्त गर्न चाहन्छु । जो मेरो फिल्मोग्राफीमा एक हीराको रुपमा चम्किरहेको छ’, उनले लेखेकी छन् ।

उनले अर्को एक स्टाटस पनि लेखेकी छन् । ‘दोस्रोतर्फ म बलिउडको माफियाहरुको प्रतिक्षा गरिरहेकी छु कि उनीहरु हाम्रो राजनीतिक र वैचारिक मतभेदलाई किनारामा राखुन् । जस्तो म एउटा राम्रो कलाको सराहना गर्नुलाई समस्या सम्झन्नँ । उनीहरु पनि आफ्नो तुच्छ मानवीय भावनाभन्दा माथि उठेर एकपटक एक कलालाई जित्न दिऊन । थलाइवी’, उनले लेखेकी छन् ।

एएल विजय निर्देशित फिल्ममा कंगनाका अलावा नास्सार, भाग्यश्री, राज अर्जुन र जिशू सेनगुप्तालगायतको अभिनय छ ।