मुम्बई(बलिउड हंगामा)– तेलुगु सुपरस्टार विजय देवरकोण्डा बलिउड निर्माता तथा निर्देशक करण जोहारको आगामी फिल्म ‘लाइगर’मार्फत बलिउडमा डेब्यू गर्दैछन् । यो फिल्ममा विजयसँग अनन्या पाण्डे देखिँदैछिन् ।

करण जोहार प्रोडक्सनले निर्माण गर्न लागेको फिल्ममा विश्वविख्यात बक्सर माइक टाइसनले एक विशेष भूमिकामा अभिनय गर्दैछन् । निर्माता करणले ट्वीटरमा यो कुराको जानकारी दिएका हुन् ।

करण जोहारले ट्वीटरमा माइक टाइसको एक इन्ट्रोडक्ट्री भिडियो शेयर गर्दै यो कुराको जानकारी दिएका हुन् । टिजरमा माइकको क्यारेक्टरको छनक पनि देखाइएको छ । ‘हामी भारतीय फिल्मको इतिहासमा पहिलोपटक रिंगका वास्तविक किङ भारतीय फिल्मको पर्दामा देखिँदैछन् । लाइगरको टिममा हामी माइक टाइसनलाई स्वागत गर्दछौं’, उनले ट्वीटेका छन् ।

माइक सन् २००९ मा हलिउड फिल्म ‘ह्यांगओभर’ र सन् २०११ मा यो फिल्मको सिक्वेलमा देखिएका थिए । उनी सन् २०१५ को फिल्म ‘आइपी मेन ३’मा पनि देखिएका छन् । यो एक चर्चित मार्सल आर्टस फिल्म सिरिज थियो ।

फिल्म ‘लाइगर’ हिन्दी, तेलुगू, तमिल, कन्नड र मलयालम भाषामा रिलिज हुँदैछ । विजयले हिन्दी भर्सनका लागि हिन्दीमा आफैंले संवाद बोलेका छन् । उनले कोही पनि डबिङ कलाकारको सहयोग लिएनन् ।