काठमाडौं– रिलिजको तयारी भइरहँदा कोभिडका कारण प्रदर्शन रोकिएको फिल्म ‘प्रेम गीत ३’बाट अभिनय यात्रा शुरु गरेका मनीष राउत स्टान्डअप शो ‘इएफए स्टान्डअप’मा जोडिएका छन् । विभिन्न ब्रान्डसँग आबद्ध राउत ब्राण्ड एम्बासडर रहेको क्लोथिङ ब्राण्ड डक्टर डेनिमले मनीषको शोलाई मुख्य प्रायोजन गरेको छ ।

काठमाडौको नयाँ बानेश्वरमा रहेको एभरेष्ट फिल्म एकेडमीले उक्त शोको निर्माण गरेको हो । शोमा मनीषकै निर्देशन छ । शोमा एउटा कलाकारलाई विभिन्न चरित्रमा देख्न पाइने उनले बताए । शोका केहि श्रृंखला सार्वजनिक गरिएको छ ।

इएफए इन्टरटेन्मेन्ट नामक यूट्युब च्यानलबाट साप्ताहिक रुपमा यो श्रृंखला आउने मनीषले बताए । शोमा एभरेष्ट फिल्म एकेडेमीमा अध्ययनरत विद्यार्थीहरुकै सहभागिता रहने जनाइएको छ ।

छायांकार गौरीशंकर धुजुको डिओपी रहेको शोमा सौरभ पोखरेल, रन्जन कक्षपति र विकास सिटौलाले क्यामेरा चलाईरहेका छन् । विशाल श्रेष्ठ र जोस्चल राजभण्डारी सम्पादक रहेको शोका निर्माता विशाल श्रेष्ठ र जोस्चल राजभण्डारी हुन् ।