काठमाडौं– संगीतकार शम्भुजीत बासकोटाको शब्द, संगीत र नवगायक किशोर पाण्डेको स्वरमा नयाँ गीत ‘मेरी प्रेयसी’ सार्वजनिक भएको छ । गीतको भिडियोमा संगीतकार बासकोटकै निर्देशन छ । भिडियो शम्भुजीत सेभेन नोट्स युट्युव च्यानलबाट सार्वजनिक गरिएको हो ।
भिडियोमा दिवस उप्रेती र बेनिशा हमाल फिचर्ड छन् । दुई गीत आफ्नो स्वरमा रेकर्ड गराएका किशोरले अर्को गीत पनि चाँडै रिलिज गर्ने बताए । किशोरको स्वर मन परेकाले पर्यटन पेशाबाट फुर्सद निकालेर उनलाई गायनमा ल्याएको संगीतकार बासकोटाले खुलाए ।
किशोर नेपालका कुशल पर्यटन व्यवसायी हुन् । उनी होटल, पर्यटन, अटोमोवाइल व्यवसायमा स्थापित छन् ।
प्रतिक्रिया