१. समुद्री घोडा

कङ्गारुको जस्तै बच्चा बोक्ने थैली समुद्री घोडाको पनि हुन्छ । फरक भनेको पोथी कङ्गारुको थैली हुन्छ भने भाले समुद्री घोडाको थैली हुन्छ । बच्चाहरु ननिस्किन्जेलसम्म अण्डाहरु भाले समुद्री घोडाले बोकिरहन्छ । वास्तवमा पोथी समुद्री घोडाले भाले समुद्री घोडाको त्यस थैलीमा अण्डाहरु पारेर छोडिराख्छन् ।

२. श्वासप्रश्वास

एक व्यक्तिले एक मिनेटमा औसत रुपले १५ पटक जति सास फेर्ने गर्छ । साह्रै थाकेको या गलेको मानिसले भने एक मिनेटमा ८० पटकसम्म पनि सास फेर्ने गर्छ ।

३. चिया

ईसापूर्व २७३७ मा शासन गर्ने चिनियाँ सम्राट शेन नुङ्ग नै चिया पिउने पहिलो व्यक्ति हुन् । चिनियाँ भाषामा चियालाई Te अर्थात Cha भनिन्छ ।

४. इतिहासका पिता

हेरोडोटसलाई इतिहासका पिता मानिन्छ । उनको जन्म ईसापूर्व ४८५ मा भएको थियो । ६० वर्षको उमेरमा ईसापूर्व ४२५ मा मृत्यु भएको थियो । उनले ग्रीक शब्द Historia चलाएका थिए, जसको अर्थ खोज तलास हुन्छ । उनले ग्रिक र पर्सियन युद्ध अनि पिरामिडका बारेमा लेखेका थिए ।

५. ब्रेल लिपी

ब्रेल लिपी आविष्कारककै नाम लुइस ब्रेलबाट राखिएको हो । उनी ४ वर्षका हुँदा बाबुको वर्कशपमा दुर्घटनावस दृष्टिविहिन हुन पुगे र १५ वर्षकै उमेरमा ब्रेल लिपीको आविष्कार गरे । ब्रेल लिपीबाट दृष्टिविहिनहरुले पढ्ने र लेख्ने पनि गर्छन् ।

साभार  : ‘रोचक तथा ज्ञानवर्द्धक तथ्यहरु’पुस्तकबाट